“Челси” афсонаси Фрэнк Лэмпард ёзда UNICEF’нинг Soccer Aid for UNICEF хайрия ўйинида мураббийликка қайтади.
Лэмпард ўтган ёзда “Челси”ни тарк этганидан бери ишсиз эди, аммо энди “Стемфорд Бриж” мухлисларининг севимлиси футболга қайтишга тайёр.
Soccer Aid for UNICEF учрашуви 6 июнь якшанба куни “Стемфорд Бриж”да, Евро—2024 бошланишига атиги беш кун қолганида бўлиб ўтади.
Лэмпард Ҳарри Реднапп билан биргаликда Англия термасини бошқаради. 2012 йилги Чемпионлар Лигаси ғолибининг ўзи Soccer Aid’да иштирок этиш истагини билдирган.
“Стемфорд Бриж” мухлислари учун янада кўпроқ нарсани англатиши мумкин бўлган жиҳат яқинда фаолиятини якунлаган “Челси” юлдузи Эден Азарнинг ғарбий Лондонга қайтиши ҳисобланади. Беш йил ичида биринчи марта Азар яна ушбу стадионда ўйнайди, аммо бу сафар рақиб жамоа номидан.
GOAL нашри берган баёнотига кўра, Лэмпард “Стемфорд Бриж”га қайтишни интиқлик билан кутмоқда.
“Лондонда томошабинлар қаршисида ўйнаш ҳар қандай ҳолатда ҳам ҳар бир футболчи учун алоҳида аҳамиятга эга. Мен бундай бахтга яна бир бор эришишимдан хурсанман. Ҳарри Реднапп билан Soccer Aid’да Англияни бошқариш шараф ва завқ бўлади. Бундан ташқари муҳими биз бу ўйиндан тўплашимиз мумкин бўлган миллионлаб фунт стерлинг.
Англия терма жамоаси Жермейн Дефо, Жек Уилшер, Стюарт Броад ва Сер Мо Фараҳ каби юлдузли таркибни майдонга тушириши кутилмоқда. Бироқ бор эътибор Азарга қаратилиши мумкин. “Челси”нинг собиқ ўйинчиси “Дунёнинг қолган қисми” жамоасида ўйнайди.
Изоҳ (0)