Исроиллик мухолифатчи қонуншунос Авигдор Либерман Биньямин Нетаньяху кабинетини Ливанга қарши уруш олиб боришга чақирди. Бу ҳақда Al Jazeera нашри хабар берди.
Хабарда айтилишича, мухолифат вакили “Ҳизбуллоҳ” нинг Исроил чегара зонасига ҳужумлари тугамаётганидан хавотир билдирган. Мамлакатга келаётган хорижий хавфни бартараф этиш учун эса “Ҳизбуллоҳ”га ялпи ҳужум қилишга чақирган.
Мухолифатчи фикрига кўра, ҳозирга қадар Исроил Ливан гуруҳи ҳужумлари сабаб мамлакат шимолидаги 80 мингдан ортиқ аҳолини кўчирган. Аҳолини эвакуация қилиш ҳали ҳам давом этмоқда.
“Мен уруш кабинети раҳбари, ҳарбий штаб бошлиғи ва шимолий қўмондонлик генералини ўзига келишга ҳамда уруш чизиғини душман ҳудудига ўтказишга чақираман”, — деган исроиллик мухолифатчи қонуншунос Авигдор Либерман.
Изоҳ (0)