Бразилиянинг собиқ президенти Жаир Болсонаро пандемия даврида коронавирусга қарши эмлашлар ҳақидаги маълумотларни сохталаштиришда айбланмоқда. Бу ҳақда тегишли манбаларга таяниб, Эуронеwс хабар берди.
Яна 16 киши жиноий тил бириктириш ва соғлиқни сақлаш тизимига ёлғон маълумотлар киритиш иши бўйича айбланмоқда. Собиқ давлат раҳбари, унинг 12 ёшли қизи Лаура ва бошқа қатор шерикларининг эмлаш далолатномалари ёлғон эканлиги ҳақида етарли далиллар тўпланган. Бразилиянинг Фолҳа де Сãо Пауло газетасига кўра, полиция эмлаш сертификатининг қалбакилаштирилиши тўнтаришга уринишнинг бир қисми сифатида амалга оширилган деб ҳисоблаган.
Тахминларга кўра, Болсонаро 2023 йилнинг 8—9 январь кунлари пойтахтда рўй берган оммавий тартибсизликлар вақтида чет элга вақтинчалик чиқиш учун зарур ҳужжатларни олишни мақсад қилган. Шундан сўнг унинг тарафдорлари Бразилия Миллий Конгресси, Планалто саройи ва мамлакат Олий судига бостириб кириб, амалдаги президент Луланинг ҳокимиятга қайтишига тўсқинлик қилган.
Мен хотиржамман, эмланмаганлигимни ҳамма билади, — дейди Болсонаро Reuters агентлигига берган интервьюсида.
2022 йил 30 декабрда сайловда мағлуб бўлган сиёсатчи АҚШга жўнаб кетган ва у ерда бир неча ой қолиб кетган эди. Эл Паíс Амéриcа нашри Америка расмийлари саёҳатчилардан COVID-19 га қарши эмланганлик сертификатини тақдим этишларини талаб қилганини айтган. Пандемия даврида Болсонаро эмлашга қарши чиққан, соғлиқни сақлаш чекловларини масхара қилган ва ватандошларини ундан ўрнак олишга ундаган кам сонли етакчилардан бири бўлган. Бразилияда 700,000 дан ортиқ одам мазкур вирусдан вафот этган.
Агар 68 ёшли сиёсатчи соғлиғига оид маълумотларни сохталаштиришда айбдор деб топилса, у 12 йилгача қамоқ жазосига ҳукм қилиниши мумкин. Болсонаро, шунингдек, давлат тўнтаришига уриниш ва 2021 йилда Саудия Арабистонидан олинган заргарлик буюмларини ўғирлаш айби билан тергов қилинмоқда.
Изоҳ (0)