Украина президенти Владимир Зеленский Россия Суми вилоятига март ойида 200 га яқин бошқариладиган бомба ташлаганини маълум қилди. Бу ҳақда президент сайтида хабар берилди.
Бир мисол, бизнинг Россия ҳудуди билан чегарадош Суми вилоятидир. Россия доимий равишда диверсион-разведка гуруҳини киритишга уринади. Доимий террор отишмалари ва зарбалари кузатилади. Россия армияси шунчаки чегарадаги қишлоқларимизни вайронага айлантирмоқчи, — деди Зеленский.
У март ойининг бошидан бугунги кунгача Россия авиацияси биргина Суми вилоятидаги аҳоли пунктларига 200 га яқин бошқариладиган бомбалар ташлаганини айтди.
Тўғридан тўғри қишлоқлар, шаҳарлар, фуқаролик инфратузилмаси нишонга олинган. Украина учун ҳозирги зарурат мазкур террорни имконсиз қилиб қўядиган тарзда ҳаво мудофаасини кучайтиришдир.
Зеленский, шунингдек, март—апрель ойларида халқаро ишлар бўйича йиғилиш ўтказганини айтди. Президент россиялик ҳарбий жиноятчиларни жавобгарликка тортиш бўйича янги қонуний чоралар ҳақида маълумот берди. Бундан ташқари, Зеленский Европа кенгаши президенти Шарл Мишел билан суҳбатлашди.
Биз Европа Кенгаши йиғилишига ва муҳим Европа қарорлари юзасидан тайёргарлик кўрмоқдамиз. Бу иқтисодий қарорлар, хусусан, Украина ва Европа Иттифоқи ўртасидаги савдони либераллаштиришни давом эттиришни ўз ичига олади. Бу Россия тажовузидан мудофааланишда бизнинг барқарорлигимиз учун муҳим элементлардан биридир. Сиёсий қарорлар ҳам тайёрлаяпмиз. Хусусан, Украинанинг аъзолиги бўйича ҳақиқий музокараларни кечиктирмасдан июнь ойида бошлаш муҳим”, — деди у.
Изоҳ (0)