Аргентина ҳукумати бюджет харажатларини қисқартириш бўйича саъй-ҳаракатлар доирасида президент самолётлари ва вертолётларини қуролли кучларга топширди. Бу ҳақда La Nacion нашри хабар бермоқда.
Нашр манбаларига кўра, учта самолёт ва учта вертолёт президент маъмуриятига тегишли бўлиб қолади, аммо ҳарбийлар улардан фойдаланиши мумкин. Келгусида ҳукумат 2022 йилда сотиб олинган Boeing 757 ва 1993 йилда сотиб олинган Boeing 737 самолётларини сотишни режалаштирмоқда.
Газетанинг қайд этишича, расмийлар тушган маблағнинг бир қисми техник хизмат кўрсатиш арзонроқ бўладиган кичикроқ самолёт сотиб олишга йўналтирилишини истисно этмайди. Learjet 60 Т-11 самолёти ҳукумат балансида қолади.
Аргентина президенти Хавьер Милей 1 март куни парламент сессиясининг очилишида сўзга чиқиб, расмийлар яқин орада мансабдор шахслар ва уларнинг оила аъзоларига шахсий самолётлардан фойдаланишни тақиқловчи қоидаларни қабул қилишини айтди. Давлат раҳбарининг ўзи ҳам ҳукумат аъзолари билан мунтазам рейсларда хизмат сафарларига боришини бир неча бор таъкидлаган.
Изоҳ (0)