Чехия бутун дунё бўйлаб Украина учун 1,5 миллион снаряд топганини маълум қилди

Чехия Украинага ўқ-дориларни топишга ёрдам берди. Натижада, мамлакат Россияга қарши курашиш учун Украинанинг асосий ўқ-дори етказиб берувчилардан бирига айланади, дея хабар берди WSJ.

Учинчи мамлакатлардан сотиб олинган снарядларнинг биринчи партиялари яқин ҳафталарда Украинага кела бошлайди,  — деб ёзади нашр Чехия расмийларига таяниб.

Чехия Россий—Украина урушидан кўп ўтмай бутун дунё бўйлаб ўқ-дориларни қидиришни бошлаган. Мамлакат аллақачон 800 000 минг снаряд сотиб олишга келишиб олган ва қўшимча маблағ билан сотиб олиниши мумкин бўлган яна 700 000 та снаряд топган. Чехия расмийлари 1,5 миллион снаряд сотиб олиш учун 3 миллиард евро кераклигини айтган. Германия, Нидерландия, Канада, Дания аллақачон 800 минг снаряд учун пул ажратишга ваъда берган.

Маълум бўлишича, Чехия расмийлари дунё бўйлаб ўқ-дорилар ишлаб чиқарувчи мамлакатлар билан экспорт лицензиялари бўйича музокаралар олиб борган.

Ғарб ҳарбийларининг ҳисоб-китобларига кўра, Украинага ойига 200 минг снаряд керак. 15 март куни Европа Комиссияси снарядлар, порох, портловчи моддалар ва ракеталарни ишлаб чиқариш харажатларининг 45 фоизини субсидиялашни назарда тутувчи АСAP (ўқ-дориларни қўллаб-қувватлаш тўғрисидаги қонун) лойиҳаси доирасида 500 миллион евро ажратилишини эълон қилган. АСAP ёрдами 15 мамлакатдаги 31 та лойиҳа учун ажратилган.

АСAP орқали янги молиялаштириш билан 2024 йилда йиллик снаряд  ишлаб чиқаришни 1,4 миллиондан 1,7 миллионга ошириш мумкин, — деди Politico нашрига Европа Иттифоқи расмийси.