Урушни тугатиш борасида халқаро босим кучайиши Исроилни ҲАМАСни йўқ қилиш мақсадидан қайтара олмайди. Исроил Бош вазири Биньямин Нетаньяхунинг бош маслаҳатчиси Офир Фальк бу ҳақида маълум қилди. Воқеанинг тўлиқ тафсилотларини Al Jazeera нашри хабар берган.
Хабарда айтилишича, Исроил кучлари Ғазо секторида ҲАМАС томонидан бошқариладиган 24 та батальондан 18 тасини демонтаж қилган. 21 500 дан ортиқ ҲАМАС жангчиси ўлдирилган. Рақибнинг туннель инфратузилмаси вайрон қилинган.
Исроил расмийси Офир Фальк ҲАМАСга қарши операцияни муваффақиятли деб ҳисоблашини маълум қилган. Вазир ўринбосари Ғазо операциясини АҚШнинг Ироқдаги операциясига қиёслаган ва исроилликлар АҚШга қараганда тезроқ ва аниқроқ ишлаётганини билдирган. Тель-Авив расмийсига кўра, АҚШ ҳарбийлари Ироқнинг Мосул шаҳрида 5000 ИШИД аъзосини йўқ қилиш учун тўққиз ой вақт сарфлаган. Исроил эса атиги 5 ойда 21 минг жангарини йўқ қила олган.
“Юқори шиддатли жанглар Рафаҳдан кейин якунига етади. ҲАМАС ортиқ гуманитар ёрдам юкларини ўғирлай олмайди. Тинч аҳоли хавфсизлиги таъминланади. Бизда тўлиқ ғалабага эришиш имкони бор. Исроил ишни якунига етказади,” — деган Исроил Бош вазири Биньямин Нетаньяхунинг бош маслаҳатчиси Офир Фальк.
Изоҳ (0)