ҲАМАС билан уруш Исроил иқтисодиётига қандай таъсир кўрсатди?

Исроил иқтисодиётидаги пасайиш коронавирус пандемиясидан кейин рекорд даражага етди.

ҲАМАС гуруҳи билан уруш ўтган йилнинг тўртинчи чорагида Исроил ялпи ички маҳсулотининг йиллик ҳисобда деярли 20 фоизга пасайишига олиб келди. Бу маълумотларни The Times of Israel нашри келтирмоқда.

Бу пасайиш 2020 йилнинг иккинчи чорагидан бери энг каттаси бўлди, ўшанда иқтисодиёт деярли 30 фоизга қисқарганди. Бу ҳолат коронавирус пандемияси билан боғлиқ чекловлар туфайли содир бўлган.

2023 йилнинг тўртинчи чорагидаги салбий динамика қатор омиллар, жумладан, 300 минг захирадаги ўз иш жойларини тарк этишга мажбур бўлган ҳарбий хизматчиларнинг хизматга чақирилиши билан боғлиқ.

Бундан ташқари, ҳукумат мамлакатнинг шимолий ва жанубий чегарадош вилоятларидан эвакуация қилинган 120 мингдан ортиқ аҳоли учун уй-жой қурилишини молиялаштиришига тўғри келди, деб ёзади The Times of Israel.

Аввалроқ Исроил расмийлари Фаластин давлатчилигини бир томонлама тан олишдан расман воз кечгани маълум қилинганди. Бош вазир Биньямин Нетаньяху бу қарорни вазирлар маҳкамасида овозга қўйган ва у бир овоздан маъқулланган.