Бразилия президенти Луис Инасиу Лула да Сильва Ғазо секторида содир бўлаётган воқеаларни геноцид деб атагани учун узр сўраш ниятида эмас. Бу ҳақда президентнинг халқаро ишлар бўйича махсус вакили Селсо Аморим маълум қилди, деб ёзади CNN Brasil.
“Биз ҳар доим бир-биримизга жуда ҳурмат билан муносабатда бўлганмиз ва икки давлат яратиш ғоясини ҳимоя қилганмиз, лекин кечирим сўрашга ўрин йўқ. Исроил ўзини тобора кучайиб бораётган изоляция ҳолатига қўймоқда”, — дейди Бразилия президенти маслаҳатчи.
Аввалроқ Исроил ташқи ишлар вазири Исраэль Кац Бразилия президентини персона нон грата деб эълон қилган эди. Дипломатнинг айтишича, Лула да Сильва ўз сўзлари учун узр сўрамагунча Исроилда персона нон грата бўлиб қолади.
“Биз бош эгмаймиз. Бразилия президенти Лула узр сўрамагунича ва яҳудий халқи ҳамда Исроилга қаратилган антисемитизмдан воз кечмагунча, у Исроилда хоҳланмайдиган шахс бўлиб қолади”, — деди Исроил вазири.
Бразилия президенти персона нон грата деб эълон қилинганидан сўнг Исроилдан элчисини чақириб олди.
Изоҳ (0)