Италия ташқи ишлар вазири Антонио Таяни Украинага қуруқликдаги қўшинларни юбориш ва Россия билан можарода қатнашиш Учинчи Жаҳон урушига сабаб бўлишини айтди. Унинг қўшимча қилишича, Италия ҳарбийлари тинчлик ва эркинлик тарафдори.
Биз халқаро ҳуқуқ ва Украина эркинлигини ҳимоя қиламиз, лекин Россия билан уришмаяпмиз. биз Kиевга ҳар қандай ҳарбий, иқтисодий ва техник воситаларни берамиз, аммо урушга кириш менга хато бўлиб туюлади ва италияликлар ҳам буни хоҳламайди, — деди Таяни RAI телеканалига берган интервьюсида.
Февраль ойи охирида Франция президенти Эммануэль Макрон иттифоқчилар Украинани қўллаб-қувватлаш учун ҳамма нарсани қилишлари кераклигини, яъни унинг ҳудудига Ғарб қўшинларини юборишни истисно қилмаслик кераклигини айтганди.
Кейинчалик Макрон ‘‘бирор нарсани истисно қилмаслик уни қилишни англатмайди’’, деди. Италия мудофаа вазири Гуидо Кросеттонинг айтишича, Франция НАТОнинг барча аъзолари номидан гапира олмайди. Украина ҳудудига қўшин юбориш ғояси Буюк Британия, Венгрия, Германия, Словакия, Чехия ва Швеция томонидан ҳам рад этилди.
Изоҳ (0)