Италияда уч нафар қиличбоз ўзбекистонлик 17 яшар қиличбоз қизни зўрлаганликда айбланмоқда. Бу ҳақда Il Messaggero нашри хабар берди.
Ҳодиса ўтган йилнинг 4—5 август кунлари Тоскана провинциясида содир бўлган, бироқ бу ҳақда Сиена полицияси ишга аралашганидан кейингина маълум бўлди. Айбланувчиларнинг икки нафари ҳозирда тергов қилинмоқда, учинчиси вояга етмаган. Айбловларнинг жиддийлигига қарамай, Сиена прокуратураси дарҳол терговни бошламаган, бу эса йирик халқаро жанжалга сабаб бўлган.
Ўзбекистонлик қиличбознинг юридик вакили айбланаётган спортчиларга нисбатан чора кўрилмаганидан ҳафсаласи пир бўлганини ва учаласига ҳам ҳеч қандай санкция қўлланилмагани ёки мусобақалардан четлатилмаганини таъкидлади.
Қизнинг сўзларига кўра, Италия қиличбозлик федерациясининг (ФИС) уч нафар спортчиси уни 2023 йил август ойида Италиянинг Кяньчано-Терме провинциясидаги спорт лагерида зўрлаган. Зўрлашда айбланган икки спортчи Сиена прокуратураси томонидан гумонланувчи сифатида тергов қилинмоқда. Қизнинг адвокати Лучиано Гуидарелли олти ойдан бери ФИСга сўровлар юбориб, гумонланувчиларни эҳтиёт чораси сифатида мусобақадан четлаштиришни талаб қилмоқда. Адвокатнинг сўзларига кўра, ўтган йилнинг август ойидан бери қиз мусобақа майдонларида улар билан икки марта кесишган ва бу унинг “иккинчи даражали травмаси”га сабаб бўлган.
Бир неча сўров юбордим ва президент билан учрашиш учун федерация штаб-квартирасига бордим, лекин у мени қабул қилмади. Мен котиб билан гаплашдим. Прокуратурада тергов давом этмоқда, бироқ биронта ҳам чора белгиланмаган, — дейди Лучиано Гуидарелли.
ФИС президенти Паоло Аззи федерация бундай ҳолларда спортчиларни мусобақадан четлаштириш ҳуқуқига эга эмаслигини айтмоқда.
Биз қўлимиздан келганини қилдик, суд тизимини алмаштира олмаймиз. Бизда қизил код остида бундай оғир жиноятларни тергов қилиш ваколатимиз йўқ, — деди президент.
Il Messaggero нашрининг ёзишича, зўрлаш 5 августга ўтар кечаси содир бўлган. Эрталаб қиз бир нечта кўкаришлар билан уйғонган, унинг атрофида “очиқ-ойдин жинсий ҳазиллар қилиб, баланд овозда кулаётган” уч йигит бўлган. Қиз хонасига киришга уринаётганда ҳушидан кетган. Ўша куни спортчининг онаси уни Фраскати шаҳридаги тиббий муассасага олиб борган, у ерда қизга ёрдам беришмаган. Қиз Римдаги Бамбино Гес клиникасида дастлабки даволанишни олган, кейин эса Сан-Жованнидаги шифохонада кўрикдан ўтган.
Тиббий кўрик натижаларига кўра, спортчининг қонида алкоголь ва гиёҳванд моддалар топилган. Il Messaggero маълумотларига кўра, 4 август куни кечқурун қиз лагер яқинидаги барда бўлган ва у ерда алкоголь истеъмол қилган.
Изоҳ (0)