Тошкент шаҳридаги “Юнусобод” спорт мажмуасида 14 март куни спортнинг волейбол тури бўйича Тошкент шаҳар “ИИББ бошлиғи кубоги” мусобақасининг финал ўйини бўлиб ўтди.
Финалда ўғил болалар ўртасидаги баҳсларда Янгиҳаёт тумани “Файзли” маҳалласи жамоаси ғолиб бўлиб, Тошкент шаҳар “ИИББ бошлиғи кубоги”ни қўлга киритди. Иккинчи ўрин – Мирзо Улуғбек тумани “Фаробий” маҳалласи жамоасига, учинчи ўрин эса Юнусобод тумани “Нурмакон” маҳалласи жамоасига насиб этди.
Қизлар ўртасидаги мусобақада Сергели тумани “Янги Сергели” маҳалласи жамоасига тенг келадиган рақиб топилмади. Иккинчи ўрин Бектемир тумани “Миришкор” маҳалласи жамоасига насиб этди. Учинчи ўринни Яшнобод тумани “Ахмад Яссавий” маҳалласи жамоаси қўлга киритди.
Ғолибларни тақдирлаш маросимида Тошкент шаҳар ИИББ бошлиғи, шаҳар прокурори, солиқ бошқармаси бошлиғи, Давлат хавфсизлик хизмати вакиллари, Миллий гвардиянинг Тошкент шаҳар бошқармаси бошлиғи, Спорт бошқармаси, волейбол федерацияси Тошкент шаҳар филиали бошлиғи қатнашди.
Изоҳ (0)