Тошкент шаҳар маҳаллаларидаги иқтидорли ёшларни кашф этиш мақсадида волейбол бўйича “Тошкент шаҳар ИИББ бошлиғи кубоги” бўлиб ўтмоқда. 15 февралда старт олган баҳслар тобора қизғин паллага яқинлашмоқда.
Қизғин ва муросасиз ўтган мусобақанинг ярим финалида ўғил болалар жамоаси орасида ғолибликни қўлга киритган Мирзо Улуғбек туманининг “Ал-Фаробий” маҳалласи ва Янгиҳаёт туманининг “Файзли” маҳалласи жамоалари финал босқичида 1 ва 2-ўрин учун ўзаро курашади.
Қизлар жамоаси ўртасида Сергели туманининг “Янги Сергели” маҳалласи ва Бектемир туманининг “Миришкор” маҳалласи биринчи ўрин учун ўзаро кураш олиб боради.
Эслатиб ўтамиз, 1-ўрин учун жамоанинг ҳар бир вакилига 7 миллион сўмдан, 2-ўрин учун 5 миллион сўмдан, 3-ўрин учун 3 миллион сўмдан пул мукофоти берилади.
Мусобақанинг финал босқичи 14 март куни соат 12:00 да бошланади ва Тошкентнинг Юнусобод тумани Турғунбоев кўчасидаги “Юнусобод” спорт мажмуасида ўтказилади. Финал босқичи қизғин спорт ўйини ва шоу дастурлари билан давом этади.
Изоҳ (0)