Миллий олимпия қўмитасида бўлиб ўтган Ўзбекистон волейбол федерациясининг навбатдан ташқари ҳисобот-сайлов конференциясида Ўзбекистон волейбол федерацияга раҳбар сайлаш масаласи кўрилди. Бу ҳақда Олий ва ўрта махсус таълим вазирлиги хабар қилди.
Қайд этилишича, федерация раҳбари лавозимига олий ва ўрта махсус таълим вазири Абдуқодир Тошқулов номзоди илгари сурилган.
Унинг номзоди бир овоздан маъқулланиб, Ўзбекистон волейбол федерациясининг президенти этиб сайланган.
«Вазирлик жамоаси Абдуқодир Хамидовични мазкур масъулиятли лавозим билан қутлаб, юртимизда волейбол спорт турини ривожлантириш ва уни ёшлар орасида кенг оммалаштиришдаги ишларига улкан муваффақиятлар тилайди», — дейилади хабарда.
Маълумот учун, Абдуқодир Тошқулов 2021 йил 14 январдан олий ва ўрта махсус таълим вазири сифатида ишлаб келмоқда.
Изоҳ (0)