MMA жангчилари Нейт Диас ва Хорхе Масвидал бокс қоидалари бўйича жанг қилади.
Бу ҳақида журналист Ariel Ҳелвани маълум қилди.
Улар ўртасидаги жанг 1 июнь куни Калифорния штатининг Инглвуд шаҳрида бўлиб ўтади. Бокс қоидалари бўйича кечадиган жанг ярим енгил вазн тоифасида (-79 кг) ва 10 раунд бўлиб ўтиши белгиланган.
Масвидал сўнгги бор 2023 йил апрель ойида UFC 287 доирасида Гилберт Бёрнсга қарши жанг қилган ва мағлуб бўлганди.
Диас учун эса бу бокс қоидалари бўйича иккинчи жанг ҳисобланади. Ўтган йилнинг август ойида Нейт блогер Жейк Полга қарши рингга кўтарилиб, очколар эвазига мағлубиятга учраганди.
Қайд этиб ўтиш жоиз, Диас ва Масвидал 2019 йилда UFC 244 доирасида юзма-юз келган. Унда Хорхе техник нокаут эвазига ғалаба қозонганди.
Изоҳ (0)