Туркия президенти Ражаб Тойиб Эрдўғоннинг кортежи йўл-транспорт ҳодисасига учради, президентни қўриқловчи полициячи ҳодиса туфайли ҳалок бўлди. Бу ҳақда Эрдўғоннинг ўзи маълум қилди.
“Ширнакдаги митингимиздан кейин содир бўлган автоҳалокат натижасида полициячи Фират Дере бугун ҳалок бўлгани юзасидан ҳамдардлик билдираман”, — деди Туркия раҳбари Мардин шаҳридаги митингда.
Шунингдек, у жароҳат олган бошқа ходимларга ҳам тезроқ соғайиб кетишларини тилади.
Туркия жануби-шарқидаги Ширнак вилоятида Эрдўғоннинг кортежи автоҳалокатга учраган. IHA агентлиги маълумотларига кўра, бир полициячи ҳалок бўлган, яна уч нафари яраланган, улардан икки нафари полиция ходимлари ҳисобланади.
Изоҳ (0)