Австралиянинг Виктория штатидаги олтин конида 13 март ҳалокат содир бўлган. Фавқулодда вазиятлар хизматларининг тезкор ишлаши билан кон ичида қолиб кетган 26 нафар ишчи қутқариб олинган. Бу ҳақда Anadolu нашри хабар берди.
Хабарда айтилишича, Балларат олтин конида тош кўчиши оқибатида шахтёрлар кон ичида қамалиб қолган. Кон атрофидаги ер тузилмаси қаттиқ жинслардан ташкил топгани қутқарув операциясини ташкил этишда жиддий қийинчилик туғдирган.
Виктория штати полицияси маълумотларига кўра, икки ишчи қулаган тошлар остида қолиб кетган. 26 нафар ишчи хавфсизлик нуқтасига кўчиб ўтишга муваффақ бўлган ва кейинроқ қутқариб олинган.
Текширув гуруҳлари конда яна ишчилар бўлиши мумкинлиги боис қўшимча текширувни давом эттирмоқда. Яқин атрофдаги шаҳарлардан қўшимча ёрдам кучлари чақирилган.
Изоҳ (0)