Россия қонун чиқарувчи органи 1954 йилдаги Қримнинг Украинага ўтказилиши тўғрисидаги ҳукумат қарорини бекор қилди

11 март куни Россиялик депутатлар Константин Затулин ва Сергей Цеков Давлат Думасига Қримни Россиядан Украинага ўтказиш тўғрисидаги 1954 йилдаги ҳукумат қарорини бекор қилишни назарда тутувчи қонун лойиҳасини тақдим этишган. Бу ҳақда ТАСС нашри хабар берди.

Қонун лойиҳасининг 1-моддаси Россия Совет Федератив Социалистик Республикаси конституциясига, Украина Совет Социалистик Республикаси конституциясига, қонун устуворлигининг асосий тамойилларига ва халқаро ҳуқуқ нормаларига зид деб топиб, 1954 йилдаги қарорни бекор қилади.

Бундан ташқари, ҳужжат Россия Федерациясини СССР ва РСФСРнинг ҳуқуқий вориси сифатида алоҳида эътироф этади. 1954 йилда Қримнинг Украинага берилишини сиёсий жиноят деб эълон қилади.

Қонун лойиҳаси, шунингдек, Қрим масаласида ўз вақтида рус халқининг иродаси ва манфаати инобатга олинмаган деб эълон қилган. 1954 йил 26 апрелдаги қонун ва Қримни топшириш билан боғлиқ барча қарорлар ўзбошимчалик билан амалга оширилган деб ҳисобланади. Қримнинг Россия таркибига қайтишини тарихий адолат ва қонунийлик тикланиши сифатида олқишлайди.