Россия АҚШ ва Европага қараганда қарийб уч баравар кўп артиллерия ўқ-дориларини ишлаб чиқармоқда. Бу эса Россияга йил охирида Украинада навбатдаги ҳужумни ташкил этишга имкон бериши мумкин. Бу ҳақда CNN нашри хабар берди.
НАТО разведка хизматларининг CNN нашрига тақдим этган маълумотларига кўра, Россия ойига 250 минг ёки йилига 3 миллионга яқин артиллерия снарядлари ишлаб чиқармоқда. АҚШ ва Европа Иттифоқининг Киевга жўнатиш учун ишлаб чиқараётган снарядлари йиллик сони эса атиги 1,2 миллионтага етади.
Хабарда айтилишича, АҚШ ҳарбийлари 2025 йил охиригача ойига 100 мингта артиллерия снаряди ишлаб чиқаришни ўз олдига мақсад қилиб қўйган. Бу миқдор Россия ойлик ишлаб чиқаришининг ярмидан камини ташкил қилади.
Расмийларнинг айтишича, Россия ҳозирда Украина томон кунига 10 мингга яқин снаряд улоқтиради, Украина томонида эса бу кўрсаткич кунига 2 мингтани ташкил этади. Фронтнинг айрим заиф нуқталарида эса сутка давомида артиллерия снарядларидан фойдаланилмаган.
Россия Украинанинг Авдеевка шаҳрини эгаллагач, нисбатан интенсив уруш олиб бораётгани айтилган. Украина томони эса ҳозирда нафақат ўқ-дорилар етишмовчилиги, балки фронтда ишчи кучи танқислиги муаммоси билан ҳам курашаётгани хабар қилинган.
Изоҳ (0)