Бразилиялик футболчи Дани Алвес 12 йилга қамалиши мумкин.
Эслатиб ўтамиз, “Барселона” ва Бразилия терма жамоасининг собиқ ҳимоячиси 2022 йил декабрь ойида Барселонадаги тунги клубда нотаниш аёлга жинсий зўравонлик қилганликда айбланган ва ҳибсга олинган. 14 ноябрь куни суд терговни якунлагани маълум бўлди. Прокуратура футболчига 9 йиллик қамоқ жазосини талаб қилмоқда.
Бироқ жабрланувчининг адвокати Алвесга 12 йиллик қамоқ жазоси сўраган, дея хабар беради УОЛ. Испанияда бундай турдаги жиноятлар учун энг узоқ муддат 12 йил ҳисобланади.
Адвокатнинг илтимоси прокурор тавсияси билан бирга судга топширилади. Энди Алвес ҳимоячиларида Барселонада бўлиб ўтадиган суд учун ҳужжатларнинг якуний тўпламини тақдим этишга беш иш куни вақти бор.
Қайд этилишича, Алвес жазо эълон қилинганидан сўнг берилган муддат икки бараварга қисқариши учун судга 150 000 евро тўлаган. Айбловчилар эса жазони енгиллаштирадиган бу жаримага рози бўлмаяпти. Лекин бу Испания адлия тизимида қонуний ва уни рад этиб бўлмайди.
Изоҳ (0)