Жинсий зўравонликда гумон қилинаётган футболчи Дани Алвес узоқ муддатга қамалиши мумкин.
Агар бразилиялик футболчини ушбу ишда айбдор деб топадиган бўлишса, у ҳолда Алвесни 4 йилдан 12 йилгача бўлган қамоқ жазоси кутиб турибди.
23 ёшли аёл футболчини 30 декабрь куни тунги клубда жинсий зўравонлик ишлатганликда айблаган. Полиция 20 январь куни Алвесни ҳибсга олди, судья эса Алвес яширинмаслиги учун уни вақтинча қамоқда сақлаш қарорини қабул қилган.
Қайд этилишича, Дани шу вақтга қадар ушбу воқеа бўйича уч хил кўрсатма берган. Аввалига қизни танимаслигини айтган бўлса, кейинроқ унинг ўзи футболчига суйкалганини маълум қилган.
Футболчи Испания суд қилинади. Сабаби унда Испания фуқаролиги ҳам бор, бундан ташқари Испания ва Бразилия ўртасида маҳбусларни алмашиш борасида келишув йўқ.
Аввалроқ Мексиканинг «Pumaс» клуби Дани Алвес билан шартномани бекор қилгани хабар қилинганди.
Изоҳ (0)