Суперлига. “Навбаҳор” ўз майдонида “ОКМК” билан дуранг ўйнади

Футбол бўйича Ўзбекистон Суперлигасининг 2-турида “Навбаҳор” 9 март, шанба куни “ОКМК”га қарши баҳс олиб борди.

Учрашувнинг 12-дақиқасида наманганликлар футболчиси Тома Табатадзе ҳисобни очди. Орадан 7 дақиқа ўтиб, Сардор Раҳмонов ҳисобни тенглаштирди. 

Қолган дақиқаларда дарвозалар ишғол этилмади ва жамоалар дурангга имзо чекди.

Самвел Бабаян шогирдлари 2-турдан сўнг очколарини 4 тага етказиб, мусобақа жадвалида 2-ўринда бормоқда. Олмалиқликлар эса 2 очко жамғарган ҳолда 8-поғонадан жой олган.

Суперлига

2-тур

9 март, душанба

“Навбаҳор” – “ОКМК” 1:1

Голлар: 1:0 — 12 Табатадзе, 1:1 — 19 Раҳмонов.

“Навбаҳор”: 1. Ўткир Юсупов, 6. Иброҳим Йўлдошев, 9. Одилжон Ҳамробеков, 10. Жамшид Искандеров, 13. Филип Иванович, 14. Жамшид Болтабоев, 17. Русланбек Жиянов, 22. Тома Табатадзе, 23. Йован Жокич, 34. Фаррух Сайфиев, 77. Аброрбек Исмоилов.

“ОКМК”: 35. Жавоҳир Илёсов, 2. Акром Комилов, 3. Сардор Раҳмонов, 4. Миржамол Қосимов, 7. Дилшод Аҳмадалиев, 10. Хуршид Ғиёсов, 15. Ойбек Рустамов, 20. Ислом Тўхтахўжаев, 28. Арихиро Сентоку, 95. Милян Шкрбич, 99. Иракли Рухадзе.