Режиссёр Дени Вильнев “Дюна: Иккинчи қисм” фильмини Канаданинг Квебек шаҳридаги ҳоспис бемори учун фильм премьерасидан аввал қўйиб берди. Шундай қилиб, ресжиссёр беморнинг сўнгги истагини амалга оширди. Бу ҳақда “Правила жизни” нашри хабар бермоқда.
Канадада жойлашган ҳоспис (умри тугаб бораётгани аниқ бўлган оғир беморлар касалхонаси)нинг бир бемори Дюна фильмини яхши кўрар эди ва унинг иккинчи қисмини кўришни жуда истар, лекин фильм премьерасигача яшай олмаслигидан қўрқакди. У орзуси ҳақида шифокори Жозе Ганёнга айтиб берди. Шифокор беморининг илтимосини ижтимоий тармоқларга жойлаштиргач, унинг постини канадалик режиссёр Себастьян Пилот ўқиб қолади ва Жозе Ганённи режиссёр Вильнев билан таништиради.
Беморнинг илтимосини эшитгач, режиссёр уни Лос-Анжелесдаги премьерага таклиф этади, бироқ оғир касалликдан бемор узоқ йўлга чиқа олмас, яқин кунларда вафот этиши муқаррар эди.
Шунда режиссёр Дени Вильнев фильм премьерасига бир ярим ой қолганига қарамай ҳосписга ўз ёрдамчисини юборади ва бемор фильмни ноутбук орқали кўришга муваффақ бўлади.
Фильмни кўриш вақтида ёрдамчи ва бемор шифохона палатасида ёлғиз қолиши ва ҳоспис ходимлари маълумотларни ошкор қилмаслиги тўғрисида ҳужжатни имзолайди.
Бемор аҳволи оғир ва заифлигидан фильмни охиригача кўра олмай ухлаб қолади. Орадан кўп ўтмай у вафот этган.
Шифокор Ганён ушбу воқеа ҳақида фақатгина фильм премьераси бўлиб ўтганидан сўнг оммага айтиб берди ва беморнинг сўнгги илтимосини бажаришга ёрдам берган барчага ўз миннатдорчилигини билдирди.
Изоҳ (0)