Бутунхитой халқ вакиллари йиғилишида мамлакат бош вазири янги бюджет лойиҳасини тақдим этди. Ушбу ҳужжатдаги ҳарбий харажатлар ўтган йилга нисбатан 7,2 фоизга ошиб, 231 миллиард долларга етган. Бу ҳақда The Japan Times хабар берди.
5 март куни Хитой келаси йил мудофаа бюджетини 7,2 фоизга оширишини эълон қилган, бу ўтган йилги ўсиш суръатларига мос келади, чунки Пекин АҚШ ва иттифоқчилар билан рақобат шароитида ўз армиясини модернизация қилишда давом этмоқда.
Хитой сўнгги йилларда янада кучлироқ армия яратиш, ракета ва ядро қуролларини кучайтириш ҳамда улкан денгиз флотини қуриш учун пул сарфлаган.
Миллий суверенитет, хавфсизлик ва тараққиёт манфаатларини қатъий ҳимоя қилиш учун ҳарбийлар ва урушга тайёргарликни ҳар томонлама кучайтириш керак, — деди бош вазир.
Reuters агентлигининг Сингапурдаги Ражаратнам халқаро тадқиқотлар мактаби тадқиқотчиси Ли Минцзяннинг таъкидлашича, Хитой Тайван туфайли иқтисодий қийинчиликларга қарамай ҳарбий харажатларни оширишда давом этади.
Хитой яқин ўн йил ичида ўз армиясини урушда ғалаба қозониш даражасигача кучайтиришга тайёр, — дея қўшимча қилган тадқиқотчи.
Изоҳ (0)