Пекин Москва ва Киевни жангларни тугатиш бўйича музокаралар сари ундаш учун янги дипломатик саъй-ҳаракатларни амалга оширмоқда. Бу ҳақда Euronews хабар берди.
Пекиннинг Евроосиё масалалари бўйича махсус вакили Ли Хуэй 2 март куни Москвада Россия ташқи ишлар вазири ўринбосари Михаил Галузин билан учрашди. Улар Украинадаги жанговар ҳаракатларни тўхтатишнинг ягона йўли музокаралар деган фикрга келган.
Россия Ташқи ишлар вазирлигининг расмий пресс-релизида эса Россия иштирокисиз сиёсий ва дипломатик келишув бўйича ҳар қандай мунозарани олиб бориш мумкин эмаслиги ва шу билан бирга, Киев ва Ғарб томонидан Россияга қўйилган ультиматумлар келишув истиқболларига путур етказиши айтилган.
Ли Хуэй Украина, шунингдек, Франция, Германия ва Брюсселга ташриф буюришни режалаштирмоқда. Ўтган йилнинг май ойида у шу каби саёҳатни амалга оширган, аммо уринишлар муваффақиятсиз якунланган эди.
Изоҳ (0)