Шимолий Корея Украинадаги “адолат курашида” Россияни қўллаб-қувватлайди ва махсус ҳарбий операцияда ёрқин зафарлар тилайди. Бу ҳақда 7 март куни Шимолий Корея социалистик ватанпарвар ёшлар иттифоқи марказий қўмитаси раиси Мун Чол “ТАСС” агентлигига маълум қилди.
“Биз Украинадаги воқеаларни шунчаки оддий можаро ёки оддий уруш деб ҳисобламаймиз. Бу рус халқи ва рус ёшларининг ўз суверенитети ва ўз давлати хавфсизлиги учун олиб бораётган адолатли курашидир. Шу боисдан ҳам биз махсус ҳарбий амалиётни адолатли деб биламиз. Ишонамизки, Россия унда ғалаба қозонади. Биз мамлакатни доим қўллаб-қувватлаймиз. Шунингдек, ушбу махсус ҳарбий операция тезроқ ва ёрқин муваффақиятлар билан якунланишини кутиб қоламиз”, — деган Шимолий Корея расмийси.
Хабарда айтилишича, сўнгги ҳафтада Шимолий Корея дипломатларининг Москвага ташрифлари кўпайган. Икки мамлакат расмийлари Москвада ўтаётган Бутунжаҳон ёшлари фестивали асносида бир қанча учрашувлар ташкил этган.
Шимолий Корея расмийлари учрашувларда маълум қилишича, Россия ва Украина можароси юзага келиши учун суверенитет масаласидан бошқа асос йўқ. Пхеньяндаги ҳукумат буни тушунади ва ҳар қандай воситалар билан Россияга ёрдам беришга тайёр.
Изоҳ (0)