Бир неча кун аввал таниқли хонанда Бейонсе ўзининг Cécred номли косметика брендини йўлга қўйгани ҳақида эълон қилди. Илк коллекция соч парвариши тўпламидан иборат.
Бейонсе яқинда берган интервьюсида у онасининг гўзаллик салонида сартарош бўлиб ишлаган пайтларини хотирлади. Ўша вақтлар у таниқли хонанда бўлишни қаттиқ орзу қилар эди:
“Сартарошхонада ишлаб юрган вақтларим саҳна ҳақида илк бор орзу қилишни бошладим. Мени бунга онамнинг мижозларидан бири илҳомлантирган. У опера хонандаси бўлиб, турли давлатларга гастрол сафарлари, хусусан, Германияга қилган саёҳати ҳақидаги ҳикоялари менда ката таассурот қолдирган эди. Мен онамга унинг мижози каби бўлишни исташимни айтганим ҳануз эсимда”.
Шунингдек, Бейонсе ўз имижига турли ўзгартиришлар киритишда сартарошхонадаги ижодий муҳит мотивация берганини таъкидлади:
“Мен рассомга ўхшасам керак. Санъатдан илҳомланиб, турли ғояларни сочларимда акс эттира оламан”, — дейди хонанда.
Изоҳ (0)