Америкалик актёр ва кинорежиссёр Жорж Клуни рафиқаси ва фарзандлари билан Голливудни тарк этиб, Францияга кўчиб кетди. Оила АҚШнинг Калифорния штати — Американинг энг зич қисмида истиқомат қилар эди.
Жорж Клуни 2021 йилда Франциянинг жануби-шарқий ҳудудида жойлашган XVIII асрга тегишли ҳашаматли хонадонни харид қилган эди. Элтон Жон, Жонни Депп ва Брэд Питт каби машҳурлар ҳам Франциянинг айнан шу ҳудуди — тарихий Провансда яшайди.
Клунилар оиласининг янги хонадони 8,5 миллион долларга баҳоланган. Мазкур уйда барча қулайликлар мужассам: улкан боғ, теннис корти ва узумзорлар. Дарвоқе, турли манбалар актёрнинг узумчилик ва шароб ишлаб чиқариш билан шуғулланишини айтмоқда.
Жорж Клуни Францияга кўчиб ўтган бўлса-да, ўзига тегишли АҚШ, Буюк Британия ва Италиядаги кўчмас мулкларини сотувга қўймаган. Бундан ташқари, унинг Нью-Йорк ва Лос-Анжелесда квартиралари, Лондондаги қишлоқда катта ҳовлиси ва Комо кўли ёқасида вилласи ҳам бор.
Изоҳ (0)