Бангладеш пойтахти Даккадаги ресторанда содир бўлган ёнғин оқибатида камида 44 киши ҳалок бўлди, 20 киши жароҳатланди. Бу ҳақда Dhaka Tribune хабар берди.
Хабарга кўра, етти қаватли савдо марказининг биринчи қаватидаги ресторанда ёнғин содир бўлган. Бунга ошхонада жойлашган баллонлардан газ сизиб чиқиши сабаб бўлган. Воқеа жойида 13 та ўт ўчириш бригадаси ишлаган, икки соат ичида ёнғин қуршаб олинган.
Қутқарувчилар 75 га яқин одамни эвакуация қилган, уларнинг аксарияти ҳушсиз ҳолатда. Одамлар тутун туфайли бинони тарк эта олмаган. Қурбонларнинг аксарияти ресторан ходимлари, жумладан, ошпаз ва унинг ёрдамчиси, ҳалок бўлганлар орасида камида тўрт нафар бола ҳам бор.
Изоҳ (0)