Хитойнинг марказий қисмидаги Хэнань провинциясида мактаб ётоқхонасида содир бўлган ёнғин оқибатида камида 13 киши ҳалок бўлди, деб хабар бермоқда Sinxua маҳаллий ҳокимият органларига таяниб.
19 январь куни маҳаллий вақт билан соат 23:00да (Тошкент вақти билан 20:00) Нанян шаҳрининг Фанчэн округидаги мактаб ётоқхонасида тревога сигнали янграган. Қутқарувчилар ёнғинни 38 дақиқадан сўнг ўчирди, деб ёзади агентлик.
Ҳалок бўлган 13 кишидан ташқари, бир киши жароҳатланган, у ҳозирда шифохонада, аҳволи барқарор.
Маҳаллий ҳукумат ҳодиса сабабларини текширишни бошлади.
Ноябрь ойида Хитойнинг марказий қисми Шанси провинциясидаги кўмир заводида ёнғин содир бўлганди. Ўшанда камида 25 киши ҳалок бўлди. CCTV маълумотларига кўра, қурбонлар ёнган маҳсулотлардан заҳарланган.
Изоҳ (0)