Америка актёрлар гильдияси мукофоти совриндорлари эълон қилинди

Жорий йилнинг 24 февраль куни Лос-Анжелесда SAG Awards (Америка кино актёрлар гильдияси мукофотлари) маросими бўлиб ўтди, деб ёзади Variety.

Унда режиссёр Кристофер Ноланнинг “Оппенгеймер” фильми энг кўп номинацияларда мутлақ ғолиб деб топилди. Фильм “Энг яхши актёрлар таркиби”, “Энг яхши бош роль” (Киллиан Mёрфи) ҳамда “Энг яхши иккинчи даражали актёр” (Кичик Роберт Дауни) — жами учта мукофотни қўлга киритди.

Сериаллардан “Айиқ” комедик драмаси қуйидаги номинацияларда мукофотга эга бўлди:

• “Комедия сериалидаги энг яхши актёрлар таркиби”;
• “Комедия сериалидаги энг яхши актёр”;
• “Комедия сериалидаги энг яхши актриса”.

  

Режиссёр Мартин Скорсезенинг “Гулли ой қотиллари” фильмида бош ролни ижро этган Лили Гладстоун йилнинг энг яхши актрисаси номига сазовор бўлди.

2023 йилда “Барчаси. Ҳар жойда. Бир вақтда” фильми АҚШдаги актёрлар Гильдиясининг триумфатори деб топилган эди.

Шунингдек, “Низо” ва “Бизлардан сўнггимиз” сериаллари иккита мукофотга сазовор бўлди.

Қуйидаги фильмлар SAG Awards мукофотларини қўлга киритди:

Энг яхши актёрлар таркиби — “Оппенгеймер”;

Энг яхши актёр — Киллиан Mёрфи (“Оппенгеймер”);

Энг яхши актриса — Лили Гладстоун (“Гулли ой қотили”);

Иккинчи даражали энг яхши актёр — Кичик Роберт Дауни (“Оппенгеймер”);

Иккинчи даражали энг яхши актриса — Давайн Джой Рендольф (“Қолдирилганлар”);

Кинодаги энг яхши каскадёрлар гуруҳи — “Имконсиз миссия — ўлим тўлови. Биринчи қисм”;

Қуйидаги сериаллар SAG Awards мукофотларини қўлга киритди:

Драма сериалидаги энг яхши актёрлар таркиби — “Меросхўрлар”;

Драма сериалидаги энг яхши актриса — Элизабет Дебики (“Тож”);

Драма сериалидаги энг яхши актёр — Педро Паскаль (“Бизлардан сўнггимиз”);

Комедия йўналишидаги сериалнинг энг яхши актёрлар таркиби — “Айиқ”;

Комедия йўналишидаги сериалнинг энг яхши актрисаси — Айо Эдебери (“Айиқ”);

Комедия йўналишидаги сериалнинг энг яхши актёри — Джереми Аллен Уайт (“Айиқ”);

Телевизион фильм / минисериалдаги энг яхши актриса — Али Вонг (“Низо”);

Телевизион фильм / минисериалдаги энг яхши актёр — Стивен Ян (“Низо”);

Сериалдаги энг яхши каскадёрлар гуруҳи — “Бизлардан сўнггимиз”.