Режиссёр Грета Гервигнинг “Барби” комедияси иккинчи дам олиш кунларида 93 миллион доллар ишлаб топди. Бу Warner Brос. студияси тарихидаги энг даромадли дам олиш кунлари ҳисобланади. Бу ҳақда “Film.ru” хабар берди.
Картина АҚШда 352 миллион доллар, жаҳон прокатида 750 миллион доллар даромад келтирган. Унинг бюджети 140 миллион долларни ташкил этади.
Энг ко′п даромад келтирган янги фильмлар рўйхатида Кристофер Ноланнинг “Оппенгеймер” фильми иккинчи ўринни эгаллади.
Баёпик намойиш этилганидан сўнг иккинчи дам олиш кунларида АҚШда 46 миллион доллар ишлаб топди. Универсал ушбу фильмни ишлаб чиқаришга 100 миллион доллар сарфлаган. Картинанинг АҚШдаги даромади 174 миллион доллар, жаҳон прокатидаги 400 миллион долларни ташкил этмоқда.
“Барби” фильмида бош ролни Марго Робби, “Оппенгеймер”да эса Килиан Mёрфи ижро этган.
Изоҳ (0)