Ёшлигини сақлаб қолиш учун жарроҳлик операцияси қилдиришга қарор қилган ва бунинг оқибатида кўриниши сезиларли даражада ўзгарган юлдузлар ҳақида маълумот берамиз.
Деми Мур
Брюс Уиллиснинг собиқ рафиқаси пластик жарроҳликдан азият чекканлардан. Деми Мур Fendi’нинг мода чиқишида иштирок этган вақти томошабинлар у кийган костюм эмас, кўринишига эътибор бериб, муҳокама қила бошлаган. Ҳаддан ортиқ тортилгани ҳисобига юзи сунъийдек кўриниб қолган. Иккинчи операцияси ҳам биринчисидан кам омадсиз чиқмаган.
Виктория Бекҳэм
Виктория Бекҳэмнинг ижтимоий тармоқларда тарқалган суратлари кўплаб муҳокамаларга сабаб бўлган. Унда лабининг пастки қисми сезиларли даражада катталашгани, ботокс оқибатида эса юзи нотабиий кўриниб қолган. Бундан кўнгли тўлмаган мухлислар уни бошқа бундай қилмасликка чақирган.
Кемерон Диас
2021 йилда актриса Hart tо Heart шоусида иштирок этиб, операцияси ҳақида гапириб берган. Диаснинг айтишича, ринопластика қилдиришига сёрфинг билан шуғулланиш вақтида бурнини синдириб олгани сабаб бўлган. Операция дарҳақиқат омадли бўлган, буни актрисанинг жарроҳликдан аввалги ва кейинги суратларидан ҳам билса бўлади. Аммо унинг «гўзаллик уколлари»га бўлган севгиси кўплаб саволларни келтириб чиқарган. Гап шундаки, бир вақтлар мухлислари уни косметик уколларга муккасидан кетишда айблаган. 2018 йилда юзи шунчалик сунъий кўринганидан актриса кўплаб муҳокамаларга сабаб бўлган. Булардан тўғри хулоса чиқарган Диас бугунги кунда табиий қаришни афзал билади.
Хезер Локлир
«Сулола», «Мелроуз Плейс» сериалларидаги кўринишига қараб Хезер 60 ёшига нисбатан ғалати кўринади. Унинг аввалги гўзаллигидан асар ҳам қолмаган. Спиртли ичимлик ва наркотикларга муккасидан кетгани ташқи кўринишда ўз аксини топмай қолмаган. Аммо у бу муаммога жарроҳлик амалиёти билан ечим топишга бир эмас, бир неча марта уринган. Оқибатда наркотик моддалардан заҳарланган организм шифокорларнинг косметик муолажа ва операцияларига нисбатан салбий таъсир кўрсатган.
Мавзуга доир:
- Ёшлигини сақлаб қолишга уриниши қониқарсиз якун топган юлдузлар (фото)
- Бамисоли жонсиз ҳайкал: Гўзаллик уколларидан кейин ҳуснини йўқотган юлдузлар (фото)
- Ўхшашми ёки йўқ? Севимли юлдузига ўхшаш учун пластик жарроҳликни амалга оширган мухлислар (фото)
- Гўзаллик қурбонлари: Пластик операциялар оқибатида вафот этган юлдузлар
- Бред Питт, Ким Кардашьян ва лазерли операция ёрдамида кўриш қобилиятини тиклаган бошқа юлдузлар (фото)
- Блефаропластика – кўз қовоқлари жарроҳлик амалиёти ҳақида нималарни билиш керак?
Изоҳ (0)