Фильм томоша қилар эканмиз, кўпинча ундаги образларга қойил қоламиз, лекин ҳар бир кадр ортидаги машаққатлар ҳақида ўйламаймиз. Масалан, кийимларни олайлик: улар нафақат фильм эстетикасининг бир қисми бўлиб хизмат қилади, балки қаҳрамонларнинг шахсиятини ҳам очиб беради. Бироқ улар чиройли бўлиши билан бирга жуда ноқулай бўлиши ҳам мумкин.
Скарлетт Йоханссон ва қора бева костюми
Киноюлдузнинг тан олишича, у суратга олиш жараёнида кийган суперқаҳрамон костюми кўпроқ гидрокостюмни эслатган. У шунчалик иссиқ бўлганки, актрисада ҳатто галлюцинациялар бошланган. Йоханссон суратга олиш кунининг охирида терлаганидан пайпоқлари шилта бўлиб кетганини айтади.
Эмили Блант ва Ританинг костюми
“Келажак чегараси” илмий-фантастик фильмининг суратга олиш жараёнида Эмили Блант тахминан 39 килограмм оғирликдаги кийим кийишга мажбур бўлган. Актриса буни компьютер графикаси ёрдамида қилишларини истаган, лекин фильм ижодкорлари реалликка интилган. “Кийимим шунчалик оғир эдики, биринчи марта кийганимда йиғлаб юборганман”, — дейди Блант.
Райан Рейнольдс ва Яшил фонар костюми
Яшил фонарнинг ажойиб костюми компьютер графикаси ёрдамида яратилган, аммо суратга олиш пайтида Райан Рейнольдс махсус кийим кийган. Актёрнинг сўзларига кўра, бу кийим азоб-уқубатлар тимсоли бўлган. “У нимадан ясалганини билмайман, лекин бу кийим дунёдаги энг иссиқлик ўтказувчан материалга ўхшарди”, — дейди Райан. Қолаверса, суратга олиш ишлари олиб борилган Нью-Орлеанда ҳам ўша пайтда жазирама ёз бўлган.
Кира Найтли ва Сабе костюми
Кира Найтли “Юлдузлар жанги” франшизасида иштирок этганида жуда ёш эди. Актрисанинг сўзларига кўра, у суратга олиш майдончасида содир бўлган воқеалар ҳақида деярли ҳеч нарса эслолмаса-да, лекин қаҳрамонининг кийими ҳали ҳам ёдида. “Бош кийимим шу қадар оғир эдики, бошим оғриб кетарди. Ҳушимдан кетган вақтим ҳам бўлган. Ҳатто ҳозир ҳам ўша оғриқни ҳис қиламан”.
Кит Ҳарингтон ва Жон Сноунинг мўйнали кийими
Китнинг айтишича, у кийган мўйнадан бадбўй ҳид анқиган, камига кийими “бир тонна” оғирликда эди. “Либослар дизайнери мендан шунчалик нафратланганми, билмайман. Чунки йилдан йилга бу кийимда суратга тушишим қийинлашиб бораётгандек туюларди”, — дейди актёр.
Милли Олкок ва Рейниранинг либоси
Интервьюда Милли Олкок қаҳрамонининг ноқулай кийими ролига яхшироқ кўникишига ёрдам берганини айтади. “Ростини айтсам, бу оғир костюмлар жуда иссиқ эди. Мен жуда тез терлайман, шунинг учун баъзида қўлларимни кўтариб, танамни совитишга тўғри келганди”, — дейди у.
Рэйчел Броснан ва унинг “Ажойиб Мейзел хоним” фильмидаги либослари
“Биз сериалда жуда тез гаплашардик. Барча сўзларни айтгунингизча, нафасингиз тиқилиб қоларди, — дейди Рэйчел. — Мен бемалол нафас ололмасдим, чунки корсетим сиқиб турарди. Ҳозир эса бир-икки қовурғам деярли бирлашиб кетгандек туюлади, чунки энди чуқур нафас ололмайман”.
Изоҳ (0)