Беларусь президенти Александр Лукашенко арман томонининг КХШТга аъзолик борасидаги баёнотларига мутлақо хотиржам муносабатдалигини маълум қилди. Бу ҳақда “БелТА” хабар берди.
“Биз бунга мутлақо хотиржам муносабат билдирамиз. Президентлар билан Қозонда бу муаммони билвосита муҳокама қилдик. Мутлақо хотиржам. Ҳеч ким ақлдан озмади. Арманистон Коллектив хавфсизлик шартномаси ташкилотида бўлиши керак. Биз ҳеч кимни қувиб чиқармаймиз, биз ҳамиша иттифоқчимиз сифатида уни қўллаб-қувватлаймиз ва буни давом эттирамиз. Агар улар КХШТда бўлишни истамасалар, у қулаб тушмайди, вайрон бўлмайди”, — деди Лукашенко.
У ҳозирча бу борада Еревандан расмий хабарлар бўлмаганини айтди. Арманистонда куч тизими шундай тузилганки, КХШТга аъзолик масаласи парламентда ҳал қилиниши керак.
“У ерда Пашинян ташкилотдан кириш ёки чиқиш ҳақида қарор қабул қила олмайди. У ерда парламент қарор чиқаради. Менимча, Арманистон парламентида ақл-идрокли одамлар кўп. КХШТга қарши ҳеч қандай хафагарчилик бўлиши мумкин эмас”.
Тоғли Қорабоғдаги Ереван ва Боку ўртасидаги можарога изоҳ берар экан, Лукашенко Озарбайжон КХШТга аъзо барча давлатлар учун бегона эмаслигини айтди.
“КХШТда кўплаб мусулмон давлатлари бор. Қисман шунга мос позиция. Арманистон бизни у ва Озарбайжон ўртасидаги урушга аралашишимизни хоҳладими? Бундай бўлганида уруш ҳали ҳам давом этиб, минглаб одамлар ҳалок бўларди. Мен Озарбайжон ва Арманистон, афсуски, уруш орқали охир-оқибат муаммони тўғри ҳал қилди, деб ўйлайман. Арманистон (улар буни тан олишди) беш-олтита Озарбайжон туманини босиб олганди.
Хўш, уришишди. Бизнинг позициямиз қандай бўлиши керак? Арманлар бизнинг яқинларимиз, бизнинг азиз халқимиз. Озарбайжон бегонами? Шунинг учун шундай вазиятга тушиб қолдик. КХШТ учун конфликтда иштирок этишда ҳеч қандай сабаб йўқ эди”, — деди Беларусь раҳбари.
Арманистонга оид жамоавий хавфсизлик шартномаси бажарилмагани учун Ереван КХШТдаги иштирокини музлатиб қўйди. Бу ҳақда республика бош вазири Никол Пашинян France24 телеканалига берган интервьюсида маълум қилди.
“Бизнинг фикримизча, Арманистонга оид Коллектив хавфсизлик шартномаси, айниқса, 2021—2022 йилларда амалга оширилмади ва бу бизнинг эътиборимиздан четда қолмади. Ушбу ташкилотдаги иштирокимизни музлатиб қўйдик. Кўрамиз, олдинда нималар бўлади”, — деган Пашинян.
Арманистон бош вазири Россия расмийларининг позициясини ҳам танқид қилган. Жумладан, Россия бир неча ой олдин “Арманистон аҳолисини ҳукуматни ағдаришга очиқ чақирганини, Москвадан унга қарши мазкур пропаганда заифлашмаслигини” таъкидлади.
Изоҳ (0)