Тошкентдан Новосибирск, Жидда, Олмаота, Пекин ва Истанбулга учадиган рейслар кечиктирилди

Uzbekistan Airports самолётлар кеч етиб келиши сабабли 17 февраль куни кечиктирилаётган парвозлар юзасидан маълумот берди. 

Uzbekistan Airways авиакомпаниясининг HY-341 Тошкент—Шарм аш-Шейх рейси режа бўйича маҳаллий вақт билан 09:00 га белгиланган, бироқ у соат 12:00 га қолдирилган. Шунингдек, Centrum Air авиакомпаниясининг C6-7712 Урганч—Жидда рейси, режа бўйича маҳаллий вақт билан 09:00 га белгиланган парвози соат 12:30 га қолдирилган. 

Бундан ташқари: 

• Uzbekistan Airways авиакомпаниясининг HY-667 Тошкент—Новосибирск рейси, режа бўйича маҳаллий вақт билан 12:30 га белгиланган, ҳозирда соат 13:10 га;
• Panorama Airways авиакомпаниясининг 5P-5359 Тошкент—Жидда рейси, режалаштирилган учиш вақти маҳаллий вақт билан 12:20, ҳозирда соат 15:00 га;
• Аir Аstana авиакомпаниясининг КS-128 Тошкент—Олмаота рейси, режа бўйича маҳаллий вақт билан 14:35 га белгиланган, ҳозирда соат 15:50 га;
• Uzbekistan Airways авиакомпаниясининг HY-501 Тошкент—Пекин рейси, режа бўйича маҳаллий вақт билан 13:50 га белгиланган, ҳозирда соат 17:20 га;
• Uzbekistan Airways авиакомпаниясининг HY-273 Тошкент—Истанбул рейси, режа бўйича маҳаллий вақт билан 16:50 га белгиланган, ҳозирда соат 18:00 га қолдирилган.

Эслатиб ўтамиз, 8 февраль куни Тошкентда Россиянинг “Аeroflot” рейси 6 соатдан ортиқ кечиктирилганди. Январь охирида эса Тошкентдан Дубайга учиши керак бўлган рейс бир кунга кечиктирилгани тўғрисида хабар берилган эди.