“Ҳайратон” станциясида 21 февраль куни “Ўзбекистон темир йўллари” ҳамда Афғонистон темир йўл бошқармаси вакиллари иштирокида Ҳайратон—Мозори Шариф темир йўл линиясини қайта тиклаш ва таъмирлаш ишларига бағишланган очилиш маросими бўлиб ўтди. Бу ҳақда “Ўзбекистон темир йўллари” матбуот хизмати хабар берди.
Маълум қилинишича, томонларнинг келишувига асосан, тиклаш ишлари босқичма-босқич амалга оширилиши режалаштирилган. Шундан келиб чиқиб, “Ўзбекистон темир йўллари" томонидан биринчи босқич учун 120 нафар ишчи ходим сафарбар қилинган.
Биринчи босқичда юк вагонларини қисқа муддатда “Наибобод” станциясига етказиб бериш кўзда тутилган. Ушбу мақсадда “Ҳайратон” станциясининг “Б” паркида ҳамда темир йўл инфраструктурасининг 57 км бўлган ҳудудларида тўлиқ тиклаш ишлари параллел равишда ташкил этилган.
Изоҳ (0)