Тошкент—Истанбул—Тошкент йўналиши бўйича 9 февраль куни учиши керак бўлган рейс 4 соатга кечиктирилди. Бу ҳақда Uzbekistan Airways матбуот хизмати хабар берди.
Маълум қилинишича, HY271/272 рейсининг кечиктирилишига техник ишлар бажарилиши ва ҳаво кемаси режалаштирилган вақтда учишга тайёр эмаслиги сабаб бўлмоқда. Ўзгартирилган жадвалга мувофиқ амалга оширилади:
HY271 қатнови
- Тошкентдан жўнаб кетиш соат 12:00 да, маҳаллий вақт;
- Истанбулга етиб келиш соат 13:20 да, маҳаллий вақт.
HY272 қатнови
- Истанбулдан жўнаб кетиш соат 14:50 да, маҳаллий вақт;
- Тошкентга етиб келиш соат 23:20 да, маҳаллий вақт.
“Авиакомпаниянинг техник хизмати мутахассислари захира ҳаво кемасини режалаштирилган парвозга тайёрлаш бўйича барча зарур ишларни олиб боришмоқда. Ноқулайликлар учун узр сўраймиз”, — дейилади хабарда.
Кеча Тошкентда Россиянинг “Аэрофлот” рейси 6 соатдан ортиқ кечиктирилганди. Январь охирида эса Тошкентдан Дубайга учиши керак бўлган рейс бир кунга кечиктирилгани тўғрисида хабар берилган эди.
Изоҳ (0)