Лондон—Тошкент йўналиши бўйича учиши керак бўлган рейс кечиктирилди, деб хабар беради Uzbekistan Airways матбуот хизмати.
Қайд этилишича, 7 январь куни Лондон—Тошкент йўналиши бўйича HY202 рейси техник сабабларга кўра жўнаш аэропортида кечиктирилган. Шу сабабли рейс қуйидаги жадвал бўйича амалга оширилади:
- Лондондан учиш маҳаллий вақт билан соат 21:39 да;
- Тошкентга етиб келиш 8 январь куни маҳаллий вақт билан 08:33 да.
“Ноқулайлик учун узр сўраймиз ва тушунишингизга умид қиламиз”, — дейилади авиакомпания хабарида.
Аввалроқ Навоий вилоятидан Москвага учаётган самолёт фавқулодда қўнишни амалга оширгани, Silk Avia авиакомпаниясининг USA-751 рейси Термиз аэропортидаги ноқулай об-ҳаво шароити (чанг бўрони) туфайли Қарши аэродромига йўналтирилгани тўғрисида хабар берилганди.
Изоҳ (0)