Люк Шоу жароҳати сабаб мавсумнинг қолган қисмида майдонга туша олмайди ва Евро—2024 мусобақасида иштирок этиши шубҳа остида қолмоқда. “Манчестер Юнайтед” ҳимоячиси яқиндагина жароҳати сабаб юзага келган 3 ойлик танаффусдан кейин сафга қайтган эди.
“Манчестер Юнайтед” ҳимоячиси ўтган якшанба куни “Лутон”га (2:1) қарши ўйиннинг иккинчи ярмида жароҳат сабаб майдонни тарк этишга мажбур бўлди. Текширувлар натижаларига кўра, футболчи уч ойдан кўпроқ муддат майдонга туша олмаслиги мумкин.
Шоунинг Евро—2024 мусобақасигача тикланишга улгуриши ҳозирча номаълум.