Сирдарё вилояти Мирзаобод туманида “Экскаватор-погрузчик” техникасини қиммат нархда харид қилиш ҳолати аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Мирзаобод туман бўлими томонидан терговга қадар текширув ўтказилган. Текширувда туман Ободонлаштириш бошқармаси масъул шахслари “Экскаватор-погрузчик” техникасини ҳақиқий баҳосидан 215,1 миллион сўмга қиммат нархда харид қилиб, бюджет маблағларини растрата қилиш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Хоразмда ободонлаштириш бошқармаси масъуллари қурилиш материалларини 571 млн сўм қимматга сотиб олгани маълум бўлганди.
Изоҳ (0)