Пиёз, мош ва карам — миллионлаб доллар фойда олиб келаётган мева ва сабзавотлар

Ўзбекистон жорий йилнинг январь ойида 75,4 миллион долларлик мева ва сабзавот экспорт қилди. Бу ҳақда Статистика агентлиги хабар бермоқда.

Йилнинг илк ойида республика 146,3 минг тонна мева-сабзавот маҳсулотларини четга жўнатган. Бу ўтган йилнинг шу даврига таққослаганда 29,3 фоизга кўпроқ. Бунда ўсиш 2,2 мартага ёки 78,8 минг тоннага кўпайди.

Мева ва сабзавотларнинг асосий харидорлари:

Россия — 20,5 миллион долларлик (28,2 минг тонна);

Покистон — 16 миллион долларлик (43,6 минг тонна);

Хитой — 10,1 миллион долларлик (12,5 минг тонна).

Республика энг кўп фойдани пиёз экспортидан олмоқда — 12,7 миллион доллар. Шунингдек, экспорт бўйича учликка мош — 9,5 миллион доллар ва карам — 7 миллион доллар кирган.