Нукус шаҳри ва вилоят марказлари учун мингта автобус олиб келинади. Бу ҳақда ҳукуматнинг “2024 йил I чорагига мўлжалланган инвестиция дастурини амалга ошириш чора-тадбирлари тўғрисида”ги қарорида кўзда тутилган.
Дастурга мувофиқ 2024 йилда Хитой Эксимбанки Транспорт вазирлигига табиий газда ҳаракатланувчи 1000 дона автобус ҳамда “Тошшаҳартрансхизмат” корхонаси учун 200 дона электробус хариди учун жами 180 миллион доллар миқдорида қарз маблағлари ажратади.
Жумладан, Нукус шаҳри ва вилоят марказлари жамоат транспорти учун 1000 дона сиқилган табиий газда ҳаракатланувчи катта сиғимли автобуслар харид қилиш учун халқаро молиявий ташкилотдан 120 миллион доллар жалб қилинади.
“Тошшаҳартрансхизмат” АЖ томонидан ҳаракат таркибини 200 дона катта сиғимли электробуслар ва улар учун қувватлаш ускуналарини харид қилиш йўли билан янгилашни ташкил этиш учун эса Хитой Эксимбанкидан 60 миллион доллар жалб қилинади.
Изоҳ (0)