Одам савдоси жиноятини содир этганликда айбланиб, қидирувда бўлган яна бир ўзбекистонлик аёл Истанбулда ушланганди. 21 февраль куни у Туркиядан депортация қилинди.
Бош консулхона ахборот хизмати берган хабарга кўра, жиноят оламида “Моня” тахаллуси билан танилган, 2001 йилда туғилган аёл М.А. одам савдоси жиноятини содир этганликда айбланиб, 2023 йилдан буён Ўзбекистон ИИВ томонидан қидирувда бўлган.
Мазкур фуқаро Ўзбекистон ва Туркия Ички ишлар вазирликлари ҳамкорлигида ўтказилган тезкор тадбир давомида жорий йилнинг 13 февраль куни қўлга олинганди. 21 февраль куни у Истанбул халқаро аэропортидан Ўзбекистонга депортация қилинди.
Унинг хатти-ҳаракатларидан жабр кўрган фуқаролар Ўзбекистоннинг Истанбул шаҳридаги Бош консулхонасига ёки Ўзбекистон Ички ишлар вазирлигига мурожаат қилишлари мумкин.
Изоҳ (0)