Piyoz, mosh va karam — millionlab dollar foyda olib kelayotgan meva va sabzavotlar

O‘zbekiston joriy yilning yanvar oyida 75,4 million dollarlik meva va sabzavot eksport qildi. Bu haqda Statistika agentligi xabar bermoqda.

Yilning ilk oyida respublika 146,3 ming tonna meva-sabzavot mahsulotlarini chetga jo‘natgan. Bu o‘tgan yilning shu davriga taqqoslaganda 29,3 foizga ko‘proq. Bunda o‘sish 2,2 martaga yoki 78,8 ming tonnaga ko‘paydi.

Meva va sabzavotlarning asosiy xaridorlari:

Rossiya — 20,5 million dollarlik (28,2 ming tonna);

Pokiston — 16 million dollarlik (43,6 ming tonna);

Xitoy — 10,1 million dollarlik (12,5 ming tonna).

Respublika eng ko‘p foydani piyoz eksportidan olmoqda — 12,7 million dollar. Shuningdek, eksport bo‘yicha uchlikka mosh — 9,5 million dollar va karam — 7 million dollar kirgan.