Тошкент шаҳар ИИББ Йўл ҳаракати хавфсизлиги бошқармаси Яккасарой туманида Yutong русумли электробус билан содир бўлган йўл-транспорт ҳодисаси юзасидан маълумот берди.
Қайд этилишича, 20 февраль куни соат 09:30 ларда Яккасарой тумани Кичик ҳалқа автомобиль йўли кўчаси, Newport сотув офиси қаршисида Yutong русумли электробус бошқариб кетаётган 27 ёшли Д.С. рул бошқарувини йўқотиб, йўлнинг қарама-қарши бўлагига чиқиб кетган. Оқибатда у қарама-қарши йўналишдан ҳаракатланиб келаётган 44 ёшли Х.М. бошқарувида бўлган Cobalt русумли автоулови билан тўқнашган.
Шундан сўнг, Yutong 28 ёшли А.А. бошқарувида бўлган бошқа бир Yutong билан ЙТҲ содир этган.
Йўл-транспорт ҳодисаси натижасида Д.С. бошқарувида бўлган электробус ичида кетаётган 20 ёшли йўловчи тан жароҳат олиб, шифохонага мурожаат қилган. Ҳолат юзасидан суриштирув ҳаракатлари олиб борилмоқда.
Изоҳ (0)