Тошкент шаҳар Чилонзор туманида ЙПХ ходимига қўпол муомалада бўлган автобус ҳайдовчиси узр сўради.
Хабар берилишича, “Тошшаҳартрансхизмат” Акциядорлик жамиятининг Ҳаракат хавфсизлигини назорат қилиш бўлими ходимлари томонидан тезкор суриштирув ишлари ўтказилганда, мазкур ҳуқуқбузарлик 4-автобус саройи филиали тасарруфидаги 8-сонли автобус йўналиши ҳайдовчиси Х.Д. томонидан содир этилгани аниқланди.
Йўл ҳаракати қоидабузарлиги юзасидан ЙПХ ходими томонидан ҳайдовчига маъмурий баённома расмийлаштирилган. Йўлда тартибни сақлашга масъул ходим билан қўпол муомалада бўлиб, муомала маданиятига риоя қилмагани юзасидан Ички ишлар органлари ходимлари томонидан ҳайдовчи билан профилактик-тушунтириш ишлари олиб борилган.
“Чилонзорда ҳаракатланаётганимда ЙПХ ходими келиб, ҳужжатларни сўради. Шу вақт мен қўпол муомалада бўлдим. Интернетда видеойим тарқалганини кўриб, ўзим пушаймонман қилган ишимдан. Ижтимоий тармоқларда кўрганлардан узр сўрайман. Ҳолат такрорланмайди”, — дейди ҳайдовчи.
Изоҳ (0)