Ижтимоий тармоқларда 2024 йили Ўзбекистонни энг иссиқ ёз кутаётгани ҳақида хабарлар тарқалди. “Ўзгидромет” мазкур хабарлар юзасидан муносабат билдирди.
Маълум қилинишича, бутунжаҳон метеорологлари прогнозларига кўра, ҳозирда кузатилаётган Эл-Нинё 2024 йилнинг апрелигача давом этади. Ушбу ҳодиса 10 та рақамли иқлим моделлари ҳисоб-китобларининг ўртача натижаси.
Кейинчалик, илмий асосларга кўра, Ўзбекистонда одатдаги иссиқ ёз фасли (Тошкентда ҳаво ҳарорати +40 даражагача), қуруқ куз ва совуқ қиш билан тавсифланган Ла-Нинё жараёни ривожлана бошлайди. Қуруқ куз, яъни ёғингарчилик миқдори меъёрдан паст бўлиши кутилмоқда.
“Иссиқ ёз бу — Ўзбекистон иқлими учун тез-тез учрайдиган ҳодиса. Жануб ва чўл ҳудудларида +40...+45 даражагача, қолган ҳудудларда эса +40...+42 даражагача иссиқ бўлади. Энг иссиқ ҳаво ёз ойида одатда 5-7 кун давом этадиган термал тушкунлик билан боғлиқ ва бундай ҳолат 2-3 маротаба кузатилади”, — дейилади хабарда.
Изоҳ (0)