Папуа-Янги Гвинеянинг Энга провинциясида қабилалараро тўқнашувлар оқибатида 64 киши ҳалок бўлди. Бу ҳақда маҳаллий Papua New Guinea Post Courier нашри хабар берди.
Полицияга кўра, 19 февраль куни қабилалар ўртасидаги қуролли тўқнашув натижасида ҳалок бўлганларнинг яна 11 жасади топилган. Бунгача 53 кишининг ҳалок бўлгани аниқланган. Полиция Энгадаги тўқнашувлар “амбулин ва сикин қабилалари ҳамда уларнинг иттифоқчилари ўртасида давом этаётган кураш” эканини таъкидламоқда.
“Қуролли тўқнашув 18 февраль, якшанба куни маҳаллий вақт билан 16:00 атрофида бошланган. Иштирокчилар ўқотар қуроллардан: SLR, АК-47, М4, АR-15, М16 милтиқлари, шунингдек, ов милтиқлари ва қўлда ясалган ўқотар қуроллардан фойдаланган”, — деди провинциядаги полиция комиссари ёрдамчиси Самсон Куа.
Воқеа жойида ҳалок бўлганлар ва ярадорларни қидириш бўйича операция давом этмоқда. Ярадорлар сони ҳозирча маълум қилинмаган.
Изоҳ (0)