Валижон Ниязимбетов Элликқалъа тумани ҳокими этиб тайинланди. Бу ҳақда Жўқорғи Кенгес матбуот хизмати хабар берди.
Маълум қилинишича, 14 февраль куни халқ депутатлари Элликқалъа тумани кенгашининг навбатдан ташқари 71-сессияси бўлиб ўтган. Сессия кун тартибида ташкилий масала кўриб чиқилган.
Сессияда Валижон Ниязимбетов Элликқалъа тумани ҳокими лавозимига тайинланди. У фаолияти давомида бир қанча масъул лавозимларда фаолият олиб борган.
Жумладан, Элликқаъла тумани ҳокимининг саноатни ривожлантириш, капитал қурилиш, коммуникациялар ва коммунал хўжалиги масалалари бўйича ўринбосари, Қорақалпоғистон Республикаси Экология ва атроф-муҳитни муҳофаза қилиш қўмитаси раисининг ўринбосари ва шу кунга қадар Тўрткўл тумани ҳокимининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари лавозимида фаолият юритиб келган.
Сессия сўнгида туман сектор раҳбарларининг 2024 йилда амалга ошириши режалаштирилган вазифалари бўйича тақдимот бўлиб ўтди.
Изоҳ (0)